خواتین اوربچوں کے تحفظ کیلئے وزیراعلیٰ مریم نوازکامنفرد اقدام،ویمن پولیس سکواڈنے صوبہ بھرکے بازاروں،تجارتی مراکز میں گشت شروع کردیا
وزیراعلی مریم نوازشریف کی ہدایت پر بازاروں میں خواتین اور بچوں کے تحفظ کے لئے ویمن پولیس سکواڈ قائم، صوبہ بھر میں گشت شروع کردیاگیاہے۔بازاروں میں رش کے اوقات میں خواتین اوربچوں کے تحفظ کیلئے خصوصی”ویمن پولیس سکواڈ“ گشت کرے گا۔ویمن پولیس سکواڈ کی پیدل، سائیکل اورموٹر سائیکل سوار ٹیمیں بازاروں اورمارکیٹوں میں گشت کریں گی۔ویمن پولیس سکواڈبازا روں اورمارکیٹوں میں شاپنگ کیلئے آنے والی خواتین کو ہراساں کرنے کے واقعات کی روک تھام کرے گا۔ویمن پولیس سکواڈ بازاروں میں سماج دشمن عناصر کی سرگرمیوں کی نگرانی کرے گا۔یہ سکواڈ شاپنگ کیلئے آنے والی خواتین،بچیوں کو پریشان کرنے کے واقعات کی روک تھام کرے گا۔اس اقدام سے بازاروں میں عید کے رش کے باعث خواتین سے موبائل،پریس چھیننے اورڈکیتی وغیرہ کے واقعات میں واضح کمی آئے گی۔ویمن پولیس کے پیدل سکواڈ بھی بازاروں اور مارکیٹوں میں نگرانی کے فرائض سرانجام دیں گے۔ویمن سکواڈ نے لاہور، راولپنڈی، سیالکوٹ، فیصل آباد، گوجرانوالہ، چینیوٹ، بورے والا، وہاڑی، خانیوال اور دیگر شہروں میں بڑے تجارتی مراکز میں گشت شروع کردیاہے۔
