چیئرمین پی پی پی بلاول بھٹو زرداری سے وفاق ایوان ہائے تجارت و صنعت پاکستان کے چیئرمین عاطف اکرام نے وفد کے ہمراہ ملاقات کی۔ بلاول بھٹو زرداری کو وفاق ایوان ہائے تجارت و صنعت پاکستان کے وفد نے کاروباری طبقے کے مسائل سے آگاہ کیا۔اس موقع پر بلاول بھٹو زرداری نے وفاق ایوان ہائے تجارت و صنعت پاکستان کے وفد کو تاجر برادری کے مسائل کے حل میں مثبت کردار ادا کرنے کی یقین دہانی کروائی۔بلاول بھٹو زرداری اور تاجر رہنماؤں کے درمیان فیڈریشن اور چیمبر کے امور پر بھی تبادلہ خیال ہوا۔ وفد کے شرکاء میں یونائٹڈ بزنس گروپ کے گروپ لیڈر مومن علی ملک اور وفاق ایوان ہائے تجارت و صنعت کے نائب صدر ذکی اعجاز شامل تھے۔
