وفاقی وزیر غذائی تحفظ رانا تنویر حسین کی زیر صدارت خام چینی کی درآمد پر وزیراعظم کی تشکیل کردہ کمیٹی کا دوسرا اجلاس منعقد ہوا۔وزیر پٹرولیم علی پرویز ملک نے آن لائن اجلاس میں شرکت کی،وزیراعظم کے معاون خصوصی ہارون اختر، سیکریٹری وزارت صنعت و پیداوار سیف انجم ،سیکریٹری غذائی تحفظ وسیم اجمل چودھری سمیت دیگر حکام بھی شریک ہوئے۔اجلاس میں خام چینی کی درآمد اور دوبارہ برآمد کی پالیسی پر غور کیا گیا اور خام چینی کی درآمد کے فوائد زیربحث آئے۔وفاقی وزیر رانا تنویر حسین نے اس موقع پر کہا کہ وزیراعظم شہباز شریف پاکستان کے بہتر اقتصادی مستقبل کے لیے پرعزم ہیں۔
