پاکستان پیپلزپارٹی کے چیئرمین بلاول بھٹو زرداری نے وزیراعلی ہاؤس میں سندھ میں زراعت کی ترقی کے لئے ہونے والے اجلاس میں شرکت کی،اجلاس میں وزیراعلی سندھ سید مراد علی شاہ، سینئر وزیر شرجیل میمن، وزیر زراعت سردار محمد بخش خان مہر، سید خورشید شاہ، جمیل سومرو و دیگر شریک ہوئے۔ بلاول بھٹو زرداری اور وزیراعلی سید مراد علی شاہ کو موسمیاتی تبدیلیوں کی وجہ سے زراعت کے شعبے کو پیش آنے والے مسائل اور ان کے حل پر بریفنگ دی گئی اور سندھ کے زرعی شعبے میں واٹرمنیجمنٹ میں بہتری کے اقدامات سے آگاہ کیا گیا۔اجلاس میں کاشت کاروں کو سبسڈی پر فراہم کی جانے والے مشینری سے متعلق تفصیلات بھی فراہم کی گئیں۔اجلاس کوبتایاگیاکہ ربیع اور خریف کی فصلوں کی انشورنس کے حوالے سے پائلٹ پراجیکٹ جاری ہے۔اجلاس میں سندھ سیڈ کارپوریشن کی ا حیائے نو کا فیصلہ کیاگیا۔
