سندھ اور بلوچستان میں عوامی مسائل کے حل کے لئے اقدامات بروئے کار لائے جائیں۔ بلاول بھٹو زرداری

پاکستان پیپلزپارٹی کے چیئرمین بلاول بھٹو زرداری سےبلوچستان اور سندھ کے وزرائے اعلی کی ملاقات

چیئرمین پاکستان پیپلزپارٹی بلاول بھٹو زرداری نے کہاہے کہ سندھ اور بلوچستان کے عوام کے مسائل کے حل کے لئے ہر ممکن اقدامات بروئے کار لائے جائیں۔پاکستان پیپلزپارٹی کے چیئرمین بلاول بھٹو زرداری بلوچستان اور سندھ کے وزرائے اعلی سے ملاقات کے موقع پر گفتگوکررہے تھے۔بلاول بھٹو زرداری کو سندھ اور بلوچستان کے وزرائے اعلی نے اپنے صوبوں کی حکومتی کارکردگی اور انتظامی مسائل سے آگاہ کیا ۔بلاول بھٹو زرداری کو وزیراعلی بلوچستان میرسرفراز بگٹی نے صوبے کی سیکیورٹی کی صورت حال پر بریفنگ دی اوروزیراعلی سندھ سید مراد علی شاہ نے صوبے میں جاری ترقیاتی منصوبوں کے بارے میں آگاہ کیا۔