دبئی کرکٹ اسٹیڈیم میں کھیلے گئے میچ میں بھارتی کھلاڑیوں سے جہاں کیچز چھوٹے وہیں ویرات کوہلی نے شاندار فیلڈنگ کا مظاہرہ کرتے ہوئے اپنا 200واں ون ڈے کیچ مکمل کیا، جو کسی بھی بھارتی کھلاڑی کےلیے ایک نیا ریکارڈ ہے۔میچ میں پاکستانی ٹیم 241 رنز پر آل آؤٹ ہوگئی اور بھارت کو جیت کیلئے 242 رنز کا ہدف دے دیا۔
کلدیپ یادو نے اپنی نپی تلی بولنگ کے ذریعے 9 اوورز میں 3 وکٹیں حاصل کیں اور صرف 40 رنز دیے۔ان کی شاندار بولنگ نے پاکستان کی رفتار کو مزید کم کیا، جس کے باعث پاکستان بڑا اسکور کرنے میں ناکام رہا۔ویرات کوہلی نے لانگ آن پر دوڑتے ہوئے نسیم شاہ کا کیچ تھاما، جو 16 گیندوں پر 14 رنز بنا کر کلدیپ یادو کی گیند پر آؤٹ ہوئے۔پاکستان کی ٹیم ابتداء میں بہتر کھیل پیش کر رہی تھی، مگر بھارت کے اسپنرز نے زبردست واپسی کی اور پاکستان کوشکست سے دوچارکیا۔
