آئی سی سی نے ٹیسٹ اور ٹی 20 پلیئرز کی نئی رینکنگ جاری کر دی۔
ٹیسٹ بیٹرز کی رینکنگ میں انگلینڈ کے کھلاڑی جوروٹ کی پہلی پوزیشن برقرار ہے،اسٹیو اسمتھ ایک درجہ بہتری کے بعد 8ویں اور رشبھ پنت 9ویں نمبر پر آ گئے۔
میڈیا رپورٹس کے مطابق پاکستان کے کھلاڑی سعود شکیل ایک درجہ تنزیلی کے بعد 10ویں،محمد رضوان دو درجے بہتری کے بعد 15 ویں،بابر اعظم تین درجے تنزلی کے بعد 19 ویں اور سلمان علی آغاز 32 ویں نمبر پر چلے گئے۔
ٹیسٹ باولر میں بھارتی کھلاڑی جسپریت بمرہ کی پہلی پوزیشن برقرار ہے،نعمان علی 4 درجے بہتری کے بعد 5 ویں اور ساجد خان دو درجے بہتری کے بعد 21ویں نمبر آ گئے۔
ٹیسٹ آل راونڈرز میں بھارت کے رویندرا جڈیجہ کی پہلی پوزیشن برقرار ہے۔
آئی سی سی ٹی 20 بیٹرز رینکنگ میں ٹریوس ہیڈ کی پہلی پوزیشن برقرار ہے،بھارتی کھلاڑی تلک ورما ایک درجہ بہتری کے بعد دوسرے اور پاکستانی کھلاڑی محمد رضوان ایک درجہ بہتری کے بعد 8ویں نمبر پر پہنچ گئے۔
ٹی 20 باولرز رینکنگ میں انگلینڈ کے کھلاڑی عادل رشید پہلے نمبر پر آ گئے،آل راونڈرز میں بھارتی کھلاڑی ہردیک پانڈیا کی پہلی پوزیشن برقرار ہے۔
