بلاول بھٹوپی ٹی آئی اورحکومت کے درمیان مذاکرات میں کامیاب ہوجاتے ہیں تو یہ ہماری کامیابی ہوگی۔راناثناءاللہ

وزیراعظم شہباز شریف کے مشیر رانا ثنا اللہ نے کہا ہے کہ بلاول بھٹو زرداری خود حکومت میں ہیں اگر پی ٹی آئی اور حکومت کے درمیان مذاکرات میں کامیاب ہوجاتے ہیں تو یہ ہماری ہی کامیابی ہوگی۔رانا ثناءاللہ کا کہنا تھا کہ اگر بلاول بھٹو زرداری تحریک انصاف سے اجلاس میں شرکت کی یقین دہانی حاصل کرلیں تو قومی سلامتی کمیٹی کا اجلاس دوبارہ بلانے میں کوئی حرج نہیں ہے۔ایک سوال پر رانا ثنا ء اللہ کا کہنا تھا کہ پیکا قانون کی ضرورت ہے ، اس کے غلط استعمال کی شکایت بھی جائز ہے ، اس پر بیٹھ کر بات ہونی چاہیے ۔وہ نجی ٹی وی کے ساتھ ایک انٹرویومیں گفتگوکررہے تھے۔