مولانا حامد الحق نے خواتین کو تعلیم سے روکنے کو خلاف اسلام قرار دیا تھاجس پرانہیں فتنہ خوارج نے نشانہ بنایا۔سیکورٹی ذرائع

سکیورٹی ذرائع کی ابتدائی اطلاعات کے مطابق خودکش حملہ فتنۃ الخوارج کے دہشت گردوں نے کیا اور خود کُش حملے میں مولانا حامد الحق حقانی کو نشانہ بنایا گیا۔سکیورٹی ذرائع کا کہنا ہے کہ مولانا حامدالحق نے خواتین کو تعلیم سے روکنے کو خلاف اسلام قرار دیا تھا، اس بیانیے پر مولانا حامد الحق کو دھمکیاں بھی دی گئی تھی۔سکیورٹی ذرائع نے بتایاکہ دھماکا غمازی کرتا ہے کہ فتنۃ الخوارج اور ان کے پیروکاروں اور سہولت کاروں کا مذہب سے کوئی تعلق نہیں۔واضح رہے کہ آج بم دھماکے میں مولاناحامدالحق کوان کے مدرسہ میں شہید کردیا گیاہے۔